ఉదర సంబంధిత గర్భాశయ చికిత్స – గర్భాశయం తొలగింపు

ఉదర సంబంధిత గర్భాశయ చికిత్స అంటే ఏమిటి?

ఉదర సంబంధిత గర్భాశయ చికిత్స అనేది పొత్తికడుపుపై ఒక చిన్న గాటు ద్వారా గర్భాశయాన్ని తొలగించే ఒక ప్రక్రియ. గర్భాశయం అనేది యోని పైభాగంలో ఉండే ఒక కండరాల అవయవం. పిల్లలు గర్భాశయం లోపల వృద్ధి చెందుతారు, అలాగే ఋతుస్రావం [పీరియడ్] కూడా గర్భాశయం నుండి జరుగుతుంది.
ఉదర సంబంధిత గర్భాశయ శస్త్రచికిత్స అనేక విధాలుగా చేయబడుతుంది.
గర్భాశయాన్ని పూర్తిగా తొలగించుట, అనగా గర్భాశయం మరియు గర్భాశయ ద్వారం (గర్భకోశ ద్వారం) తొలగించబడతాయి.
గర్భాశయాన్ని పాక్షికంగా తొలగించుట, ఇక్కడ గర్భాశయ ద్వారం కాకుండా గర్భాశయం మాత్రమే తొలగించబడుతుంది
హిస్టరెక్టమీతో పాటు సాల్పింగూఫారెక్టోమీ అనేది ఒకటి లేదా రెండునూ లేదా అండాశయం మరియు ఫెలోపియన్ నాళాలు తొలగించబడతాయి.
హిస్టరెక్టోమీతో పాటు బైలేటరల్ సాల్పింగెక్టమీ అనేది గర్భాశయం మరియు ఫెలోపియన్ నాళాలు రెండునూ తొలగించడం.
మీరు ఎలాంటి గర్భాశయ శస్త్రచికిత్స చేయించుకొంటున్నారు అనేది మీ వైద్య స్థితిని బట్టి ఉంటుంది మరియు శస్త్రచికిత్సకు ముందు మీ గైనకాలజిస్ట్ మీతో చర్చ జరుపుతారు.
ఉదర సంబంధిత గర్భాశయ చికిత్సకు ముందస్తుగా మీరు మత్తుమందు తీసుకోవలసి ఉంటుంది. ఇది ఒక సాధారణ లేదా ఒక అవయన సంబంధిత మత్తుమందు (వెన్నెముక లేదా వెన్నెముక సంబంధిత నరాలు) ద్వారా ఉపయోగించబడుతుంది.
గర్భాశయంతో పాటు అండాశయం మరియు ఫెలోపియన్ గొట్టాలు

గర్భాశయ శస్త్రచికిత్స ఎప్పుడు నిర్వహించబడుతుంది?
గర్భాశయాన్ని ఎందుకు తొలగించాలి అనే దానికి అనేక కారణాలు ఉంటాయి. అయితే గర్భాశయ చికిత్సతో నయం చేయబడే కొన్ని వ్యాదులు:
ఔషధాలు లేదా డైలేటేషన్ మరియు క్యూరేటేజ్ (D & C) ద్వారా నియంత్రించబడని నిరంతరo జరిగే భారీ రక్తస్రావం
ఎండోమెట్రియోసిస్ అనేది నొప్పి లేదా రక్తస్రావం కలిగిస్తుంది మరియు ఇతర ఏ చికిత్సలకు ఇది స్పందించదు
దీర్ఘకాలిక తుంటి నొప్పి
ప్రోలాప్స్ గర్భాశయం –వ్రాలాడే (జారిపోయే) గర్భాశయం
క్యాన్సర్ కలిగిన లేదా క్యాన్సర్ కలిగించే కణాలు లేదా కణజాలం గర్భాశయంలో ఉండవచ్చు
గర్భాశయoలోని కణితిలు
గర్భాశయాన్ని తొలగించే ఇతర మార్గాలు:
యోని సంబంధిత గర్భాశయ చికిత్స – యోని ద్వారా గర్భాశయం తొలగించబడుతుంది
కీహోల్ కోత ద్వారా లాపరోస్కోపిక్ హిస్టెరెక్టోమీ పొత్తికడుపులో చేయబడుతుంది
రోబోటిక్ హిస్టరెక్టమీ
రోబోటిక్ శస్త్రచికిత్స, హిస్టెరోస్కోపీ, లేపరోస్కోపీ క్రింది వాటి కోసం ఉపయోగించవచ్చు:
గర్భాశయాన్ని తొలగించకుండా ఎండోమెట్రియోసిస్ యొక్క భాగాన్ని తొలగించుట
గర్భాశయాన్ని తొలగించకుండా కణితిలను (ఫైబ్రాయిడ్లు) తొలగించుట
ఈ ఎంపికల గురించి మీరు మీ వైద్యుడిని అడగాలి, కానీ మీ వైద్యుడు మీ వైద్య పరిస్థితికి సరిగా సరిపోయే గర్భాశయ చికిత్స పద్ధతిని ఎంచుకున్నట్లు మీరు తెలుసుకొంటారు. దయచేసి మీ వైద్య పరిస్థితికి కొన్ని పద్ధతులు సరియైన ఎంపిక కాదనేది గమనించండి.

ఉదర సంబంధిత గర్భాశయ చికిత్స కోసం నేను ఎలా సిద్ధం కావాలి?

ప్రత్యేకించి మీకు సాధారణ అనస్థీషియా చేయవలసి వస్తే, ఆపరేషన్ అయిన తర్వాత మీ సంరక్షణ మరియు తిరిగి కోలుకొనుట కోసం సరియైన ప్లాన్ చేసుకోండి. విశ్రాంతి తీసుకోవడానికి సమయం కావాలని మీరు పనిచేసే కార్యాలయంలో చెప్పాలి. మీ రోజువారీ పనుల్లో మీకు సహాయపడేలా ఇతర వ్యక్తులను కనుగొనడానికి ప్రయత్నించాలి.
మీరు రోజూ మీ వైద్య పరిస్థితిని బట్టి ఆస్పిరిన్ తీసుకుంటుంటే, మీ శస్త్రచికిత్సకు ముందు తీసుకోవడం మానేయాలా అనేది మీ వైద్యుడిని అడిగి తెలుసుకోవాలి.
మీరు ఏ మందులు తీసుకుంటున్నారో మీ వైద్యునికి ఖచ్చితంగా తెలియజేయాలి.
రక్త పరీక్షలు, ECG, చెస్ట్ X-రే వంటి ముందస్తు మత్తు పరీక్షలు చేయించుకోవలసినదిగా మీరు చెప్పబడవచ్చు మరియు అనస్థీషియా కోసం మీ ఫిట్‌నెస్‌ను అంచనా వేయడానికి మత్తుమందు బృందం కూడా నిర్థారణ చేస్తుంది.
మీ డాక్టర్ మీకు ఇచ్చే అన్ని ముందస్తు శస్త్రచికిత్స సూచనలను అనుసరించండి.
చికిత్స ప్రక్రియకు ఒక రాత్రి ముందు మీరు తేలికపాటి భోజనం తీసుకోవాలని సాధారణంగా సిఫార్సు చేయబడతారు. ద్రవ పదార్థాలు తీసుకోవద్దని డాక్టర్ చెప్పిన తరువాత కాఫీ, టీ, నీరు లేదా ఇతర ఏ ద్రవ పదార్థాలు తీసుకోవద్దు.
శస్త్రచికిత్సకు ముందు రాత్రి మీకు భేదిమందు ఇవ్వవచ్చు లేదా శస్త్రచికిత్సకు ముందు ఉదయానే ఒక ఎనిమా తీయవచ్చు.

చికిత్సా ప్రక్రియ చేసిన తర్వాత ఏమి జరుగుతుంది?

శస్త్రచికిత్స చేసిన తర్వాత 1 లేదా 2 రోజుల తరువాత IV మరియు కేథెటర్ తొలగించబడతాయి. మీరు సుమారు 3 నుండి 5 రోజులు వరకు ఆసుపత్రిలో ఉండవలసి ఉంటుంది.
ఇంటికి వెళ్ళిన తర్వాత సరిపడా విశ్రాంతి తీసుకోండి. భారీ బరువులు ఎత్తడం చేయరాదు లేకుంటే 4 నుండి 6 వారాల వరకు ఉదర కండరాలకు ప్రయాస కలుగుతుంది.
నొప్పిని తట్టుకోవడానికి మరియు మలబద్దకాన్ని నివారించడానికి మీ డాక్టర్ యొక్క సూచనలను అనుసరించండి.
మీకు శస్త్రచికిత్సకు ముందు ఋతుస్రావం అవుతుంటే, ఆపరేషన్ తర్వాత మీకు ఎన్నడూ ఋతుస్రావం జరుగదు. అలాగే మీరు గర్భవతి కూడా కాకపోవచ్చు. మీ అండాశయాలు తొలగించబడితే, మెనోపాజ్ వెంటనే ప్రారంభమవుతుంది మరియు మీ డాక్టర్ హార్మోన్ చికిత్సను సూచించవచ్చు. శస్త్రచికిత్సకు ముందు మీ వైద్యునితో ఈ ప్రభావాలు మరియు చికిత్సల గురించి ఏవైనా సమస్యలు ఉంటే చర్చించి నిర్ధారించుకోండి.

ఉదర సంబంధిత గర్భాశయ శస్త్రచికిత్స తర్వాత నేను దేనిని ఆశించగలను?

సాధారణ అనస్థీషియా వలన కలిగే ఫలితాలు
చాలావరకు ఆధునిక మత్తుమందులు చాలా తక్కువ వ్యవధి వరకు మాత్రమే పనిచేస్తాయి. మీ ఆపరేషన్ అయిన తర్వాత ఒక రోజు కంటే ఎక్కువ సమయం వరకు మీరు ఎటువంటి బాధకు గురికావడం, ఏదైనా ప్రభావానికి లోనుకారాదు. మొదటి 24 గంటలలో మీరు సాధారణం కంటే ఎక్కువ సమయం నిద్రపోవచ్చు మరియు మీరు అనుకొన్నట్లుగా జరుగకపోవచ్చు.

క్యాథెటర్

మీ మూత్రాన్ని బయటకు పోయేలా చేయడానికి మీ మూత్రాశయంలో క్యాథెటర్ (నాళం) ఉండాలని సిఫార్సు చేయబడవచ్చు. ఇది సాధారణంగా మీ ఆపరేషన్ తర్వాత 24 గంటల వ్యవధి వరకు మీ మూత్రాశయాన్ని ఖాళీ చేయడానికి అనగా మీరు టాయిలెట్‌కు సులభంగా నడచి వెళ్ళడానికి ఇది సహాయపడుతుంది. మీకు మూత్ర విసర్జనలో ఇబ్బందిగా ఉంటే, మీరు కొన్ని రోజుల వరకు క్యాథెటర్ ఉంచవలసి ఉంటుంది.

పుండు మచ్చ

ఉదర సంబంధిత గర్భాశయ శస్త్రచికిత్స అనేది సాధారణంగా సుమారు 10 సెం.మీ. గాటు ద్వారా నిర్వహించబడుతుంది. ఇది సాధారణంగా మీ జననాంగo వెంట్రుకల పైభాగంలో చేయబడుతుంది, అయితే కొన్నిసార్లు ఇది మీ బొడ్డు క్రింది నుండి మీ జననాంగo వెంట్రుకల వరకు చేయబడుతుంది.

కుట్లు మరియు డ్రెస్సింగ్స్

మీ గాయాన్ని కుట్లు, స్టేపుల్స్, క్లిప్స్ లేదా జిగురుతో మూసివేయబడుతుంది. జిగురు మరియు కొన్ని కుట్లు వాటియంతటగా కరిగిపోతాయి. ఇతర కుట్లు, క్లిప్స్ లేదా స్టేపుల్స్ తొలగించాల్సిన అవసరం ఉంటుంది. దీని గురించి మీకు సవివరమైన సమాచారం ఇవ్వబడుతుంది. మీ యోనిలో ఏవైనా కుట్లు అస్థిరంగా ఉన్నందున వాటిని తొలగించాల్సిన అవసరం లేదు.
కారుట

కొన్నిసార్లు, మీ ఆపరేషన్ చేసిన తరువాత ఏదైనా అదనపు రక్తం లేదా ద్రవాన్ని బయటకు తీసేందుకు మీ పొత్తికడుపు దిగువ భాగం ద్వారా ఒక చిన్న గొట్టం చొప్పించబడుతుంది. మీరు ఆసుపత్రిలో ఉన్నప్పుడే మీ శస్త్రచికిత్స పూర్తయిన తర్వాత దానిని ఒక నర్సు ద్వారా తొలగిస్తారు.

యోని నుండి కలిగే రక్తస్రావం

మీకు ఆపరేషన్ చేసిన తర్వాత ఒకటి నుండి రెండు వారాల వరకు యోని నుండి కొంత రక్తస్రావం జరుగవచ్చు. ఇది ఒక తేలికపాటి పీరియడ్ వంటిది మరియు ఎరుపు లేదా గోధుమ రంగులో ఉంటుంది. కొంతమంది మహిళలకు మొదట ఒక మోస్తరుగా రక్తస్త్రావం జరుగవచ్చు లేదా రక్తస్రావం జరుగకపోవచ్చు, ఆపై సుమారు 10 రోజుల తరువాత అకస్మాత్తుగా పాత రక్తం లేదా ద్రవ స్రావం కలుగవచ్చు. ఇది సాధారణంగా వెంటనే ఆగిపోతుంది మరియు ఈ కాలంలో మీరు టాంపోన్లకు బదులుగా శానిటరీ టవల్స్ ఉపయోగించాలి ఎందుకంటే టాంపోన్లను ఉపయోగించడం వలన వ్యాధి సంక్రమణ కలిగే ప్రమాదం ఉంది.
నొప్పి మరియు అసౌకర్యం

మీ ఆపరేషన్ అయిన తర్వాత కనీసం మొదటి కొన్ని రోజులు మీ పొత్తి కడుపులో నొప్పి మరియు అసౌకర్యం కలుగవచ్చు. ఆసుపత్రి నుండి బయటికి వచ్చేటప్పుడు, మీరు అనుభవిస్తున్న నొప్పికి గాను నొప్పి నివారణ మందులు మీకు ఇవ్వబడతాయి.
ఇరుక్కున్న గాలి

మీ ఆపరేషన్ పూర్తయిన తర్వాత మీ ప్రేగు కొంతకాలం మందగించిపొతుంది, ఎందుకంటే గాలి లేదా ‘విండ్’ ఇరుక్కుపోతుంది. ఇది బయిటకి పొయేవరకు కొంత నొప్పి లేదా అసౌకర్యాన్ని కలిగిస్తుంది. మంచం నుండి లేవటం మరియు బయట నడవడం వలన కొంత ఉపశమనం కలిగిస్తుంది. ప్రేగు కదలిక ప్రారంభమైన తర్వాత, ఇరుక్కున్న గాలి తేలికగా బయిటికి పోతుంది.

తినటం మరియు త్రాగటం ప్రారంభించుట

మీ ఆపరేషన్ అయిన తర్వాత, ద్రవాలను సరిగా తీసుకోవటానికి మీ చేతిలో IV డ్రిప్ ఉంచబడవచ్చు. మీరు మళ్ళీ త్రాగగలిగినప్పుడు, డ్రిప్ తొలగించబడుతుంది. మీకు నీరు లేదా ఒక కప్పు టీ మరియు కొంత తేలికపాటి ఆహారం ఇవ్వబడుతుంది.

రక్తం గడ్డకట్టడం – ఈ ప్రమాదాన్ని ఎలా నివారించాలి
ఏదైనా శస్త్రచికిత్స జరిగిన తర్వాత మీ కాళ్ళలోని సిరల్లో మరియు తుంటి (డీప్ వెయిన్ త్రాంబోసిస్) ఏర్పడే అవకాశం ఉంది. ఈ గడ్డలు పిరితిత్తులకు (పల్మనరీ ఎంబాలిజం) ప్రయాణించవచ్చు, ఇది ప్రాణాంతకం కావచ్చు. మీరు గడ్డకట్టే ప్రమాదాన్ని తగ్గించవచ్చు:

మీ ఆపరేషన్ అయిన తర్వాత వీలైనంత త్వరగా నడవడం/ కదలడం ప్రారంభించాలి.

మీరు విశ్రాంతి తీసుకుంటున్నప్పుడు వ్యాయామం చేయడం, ఉదాహరణకు: మీ కాలును 30 సెకన్ల పాటు పైకి క్రిందికి కదిలించడం మరియు మీ కాలును గుండ్రంగా 30 సెకన్ల పాటు త్రిప్పడం మరియు మీ కాళ్ళను వంచి- ఒక సమయంలో ఒక కాలు, ప్రతీ సారి కాలుని మూడు సార్లు నిఠారుగా ఉంచాలి.

ప్రత్యేకించి మీరు అధిక బరువు లేదా ఇతర ఆరోగ్య సమస్యలను కలిగి ఉంటే, రక్తం గడ్డకట్టే ప్రమాదాన్ని తగ్గించడానికి మీకు ఇతర పద్ధతుల గురించి కూడా డాక్టరు మీకు సలహా ఇవ్వవచ్చు.

ఫిజియోథెరపీ

మీకు వ్యాయామం గురించి సరియైన నిర్దేశం మరియు సమాచారం ఇవ్వబడుతుంది, తద్వారా మీరు వేగంగా కోలుకుంటారు మరియు ఎటువంటి ఇబ్బంది లేకుండా చైతన్యాన్ని తిరిగి పొందడం ఎలాగో తెలుసుకోవచ్చు.

అలసట మరియు భావోద్వేగం

సాధారణ శస్త్రచికిత్స తర్వాత మీరు అలసిపోయినట్లు అనిపించవచ్చు ఎందుకంటే మీ శరీరం తనయంతటగా నయం కావడానికి ఎక్కువ శక్తిని ఉపయోగిస్తుంది. మీరు మొదటి కొన్ని రోజులు పగటిపూట నిద్రపోవలసి ఉంటుంది. గర్భాశయ శస్త్రచికిత్స కూడా మానసికంగా బాధాకరంగా ఉంటుంది మరియు ఈ దశలో చాలా మంది మహిళలు కన్నీటిపాలవుతారు మరియు భావోద్వేగానికి గురవుతారు.

ఈ ప్రక్రియతో వలన కలిగే ప్రమాదాలు ఏమిటి?

ఏదైనా రక్తస్రావాన్ని ఆపడానికి మీ పొత్తికడుపులోని గాటు (కోత) తిరిగి తెరవవలసి ఉంటుంది.
మీ మూత్రాశయం లేదా నాళాలు గాయపడవచ్చు మరియు శస్త్రచికిత్స ద్వారా వాటిని బాగుచేయవలసిన అవసరం కావచ్చు.
మీకు వ్యాధి సంక్రమణ లేదా రక్తస్రావం జరుగవచ్చు
గాటు తెరవబడవచ్చు
మీకు గాటు వద్ద హెర్నియా ఎర్పడవచ్చు
ఈ ప్రమాదాలు మీకు ఎలా వర్తిస్తాయో మీ వైద్యుని అడగండి