క్రోన్’స్ వ్యాధి నిర్వచనం
క్రోన్’స్ వ్యాధిని శోధపూర్వక పేగు వ్యాధి (IBD) అని కూడా అంటారు . ఇది జీర్ణాశయం పొర వాపుకు కారణమవ్వడంతో పాటు తరచూ దెబ్బతిన్న ప్రేగు కణజాలాల పొరలలోకి వ్యాపిస్తుంది. ఇది సరైన చికిత్సను సకాలంలో అందించకపోతే ప్రాణాంతకమయ్యే తీవ్రమైన పరిస్థితి.
క్రోన్’స్ వ్యాధి లక్షణాలు
కొన్ని సందర్భాల్లో, క్రోన్’స్ వ్యాధి లక్షణాలు ఉండకపోవచ్చు. అయితే, లక్షణాలు కనిపించినప్పుడు, వాటిలో ఈ క్రిందివి ఉండవచ్చు:
- పొత్తి కడుపు నొప్పి
- అలసట
- దీర్ఘకాలం పాటు కొనసాగే జ్వరం
- అతిసారం
- మలంలో రక్తం
- వివరించలేని విధంగా బరువు తగ్గడం
- తగ్గిన ఆకలి
- పెరియానల్ వ్యాధి
- నోటి పుండ్లు
- కాలేయం లేదా పిత్త వాహికల వాపు
- చర్మం, కళ్ళు మరియు కీళ్ల వాపు
- పిల్లలలో పెరుగుదల మరియు అభివృద్ధి ఆలస్యం కావడం
పైన పేర్కొన్న లక్షణాలలో ఏవైనా/కొన్ని/అన్నింటిని మీరు అనుభవిస్తున్నట్లు భావిస్తే వెంటనే మీ వైద్యుడిని సంప్రదించడం చాలా మంచిది.
క్రోన్’స్ వ్యాధి ప్రమాద కారకాలు
క్రోన్’స్ వ్యాధికి దోహదపడే అనేక ప్రమాద కారకాలు ఉన్నాయి. వీటిలో ఇవి ఉండవచ్చు:
- జాతి: క్రోన్’స్ వ్యాధి ఏదైనా జాతిని ప్రభావితం చేసే అవకాశం ఉన్నప్పటికీ, ఇది యూదు సంతతికి చెందిన వ్యక్తులను ఎక్కువగా ప్రభావితం చేస్తుందని చెప్పబడింది. ఇది వారి కుటుంబ చరిత్ర ఆధారంగా అయి ఉండవచ్చు.
- వయస్సు: క్రోన్’స్ వ్యాధి ఏ వయస్సులోనైనా సంక్రమించవచ్చు, మీరు 30 ఏళ్లలోపు వారైతే మీరు ఎక్కువగా ప్రభావితమయ్యే అవకాశం ఉంది.
- ధూమపానం
- కుటుంబంలో వ్యాధి చరిత్ర
- NSAIDలు
- భౌగోళిక కారకాలు
క్రోన్’స్ వ్యాధి నిర్ధారణ
మీకు క్రోన్’స్ వ్యాధి ఉందని మీ వైద్యుడు నిర్ధారించినట్లయితే, అతను శరీరంపై దాని ప్రభావాన్ని నిర్ధారించడానికి కొన్ని పరీక్షలను నినిర్వహిస్తారు. ఈ పరీక్షలలో ఇవి ఉండవచ్చు:
- రక్త పరీక్షలు: రక్తహీనత మరియు ఇన్ఫెక్షన్ కోసం రక్తపరీక్ష నిర్వహించిన తర్వాత మలంలో గుప్తమై ఉన్న వాటి కొరకు రక్త పరీక్ష.
- CT స్కాన్
- MRI స్కాన్
- ఫ్లెక్సిబుల్ సిగ్మోయిడోస్కోపీ
- క్యాప్సూల్ ఎండోస్కోపీ
- చిన్న ప్రేగు ఇమేజింగ్
- డబుల్ బెలూన్ ఎండోస్కోపీ
మీ వైద్యుని అభీష్టానుసారం అతను/ఆమె అనుమానించినదానిపై ఆధారపడి పైన పేర్కొన్న కొన్ని లేదా అన్ని పరీక్షలను నిర్వహించవచ్చు. దీని తరువాత, అతను అవసరమైన చికిత్సను సూచిస్తారు.
క్రోన్’స్ వ్యాధి చికిత్స
క్రోన్’స్ వ్యాధి యొక్క ప్రభావాలను తగ్గించడంలో సహాయపడే అనేక మందులు ఉన్నాయి కానీ దానిని చికిత్స చేయడానికి మాత్రం నిర్దిష్ట మార్గం ఏదీ లేదు. మీ వైద్యులు సూచించే కొన్ని మందులు క్రింది విధంగా ఉన్నాయి:
కార్టికోస్టెరాయిడ్స్: ఇవి శరీరంలో శోధను తగ్గించడంలో సహాయపడతాయి.
ఓరల్ 5 – అమినోసాలిసిలేట్స్ : ఈ రకమైన మందులు పెద్దప్రేగును ప్రభావితం చేసే క్రోన్’స్ వ్యాధికి ప్రత్యేకంగా ఉంటాయి.
ఇతర ఔషధాలలో ఐరన్ సప్లిమెంట్స్, నొప్పిని తగ్గించేవి, నీళ్ళ విరేచనాలను అదుపు చేసేవి, విటమిన్ బి-12, విటమిన్ డి మరియు కాల్షియం, సిప్రోఫ్లోక్సాసిన్, మెట్రోనిడాజోల్ మొదలైనవి ఉండవచ్చు.
డాక్టర్ సిమ్జియా ( సెర్టోలిజుమాబ్ పెగోల్), హుమిరా ( అడలిముమాబ్ ), మరియు రెమికేడ్ (ఇన్ఫ్లిక్సిమాబ్) వంటి జీవసంబంధమైన చికిత్సలను కూడా ఉపయోగిస్తారు. రెమికేడ్ యాక్టివిటీ ట్యూమర్ నెక్రోసిస్ ఫ్యాక్టర్ ఆల్ఫా (TNF-ఆల్ఫా)ని తటస్థీకరించడం ద్వారా దాని పాత్రను పోషిస్తుంది. ఈ పదార్ధం క్రోన్’స్‌లో అధికంగా ఉత్పత్తి చేయబడి క్రోన్’స్ వ్యాధికి సంబంధించిన శోధను కలిగిస్తుంది.
క్రోన్’స్ వ్యాధి యొక్క ప్రభావాలు ఇంకా కొనసాగితే, మీరు శస్త్రచికిత్స చేయించుకోవలసి ఉంటుంది.
శస్త్రచికిత్స 2 కారణాల వల్ల చేయబడుతుంది –
1] ఫిస్టులాలు, గడ్డలు, రక్తస్రావం మరియు పేగు అడ్డంకులు వంటి సమస్యల చికిత్సకు
2] ప్రేగులో వ్యాధి భాగాన్ని తొలగించడం మరియు ప్రేగు యొక్క రెండు ఆరోగ్యకరమైన చివరలను కలపడం కోసం (అనాస్టోమోసిస్).
