గైనకాలజీలో రోబోటిక్ సర్జరీ
![](https://cdn.apollohospitals.com/dev-apollohospitals/2020/11/robotic-inner3.png)
తక్కువ కాలం హాస్పిటల్లో ఉండాల్సి రావడం, త్వరగా కోలుకోవడం, తక్కువ రక్తం నష్టపోవడం, కనిపించే తీరులో పెద్దగా మార్పులు ఉండకపోవడం మరియు తక్కువ సమస్యలు రావడం వంటి ప్రయోజనాలతో ఓపెన్ సర్జరీతో పోల్చినప్పుడు సాంప్రదాయ లాపరోస్కోపీ ప్రయోజనకరంగా ఉంటుంది. అయినప్పటికీ, లాపరోస్కోపీ మరియు యోని ద్వారా నిర్వహించే శస్త్రచికిత్సా విధానాలు [ పొత్తి కడుపు వద్ద కోయాల్సిన అవసరం లేని] ఏవైనా సంక్లిష్ట శస్త్రచికిత్సలు చేయవలసి వచ్చినప్పుడు పరిమితులను కలిగి ఉంటాయి. శస్త్ర చికిత్స చేయాల్సినంత భాగాన్ని కావాల్సిన విధంగా చూడలేకపోవడం వవల్ల మరియు నైపుణ్యం కలిగిన సర్జికల్ అసిస్టెంట్లు అవసరం కావడం కారణంగా గైనకాలజీ శస్త్రచికిత్సలు మరియు లాపరోస్కోపీలు రెండు ప్రక్రియలు సవాలుకరంగానే ఉంటాయి.
గైనకాలజీ శస్త్రచికిత్స కోసం FDA రోబోటిక్ సాంకేతికతను ఆమోదించిన తర్వాత, ఏప్రిల్ 2005లో దీనికి పరిష్కారం లభించింది. అప్పటి నుండి రోబోటిక్ సర్జరీని స్వీకరించడం వేగంగా జరిగింది. అనేక ఆసుపత్రులు రోబోటిక్ సర్జరీ రేటు నాటకీయంగా పెరగగా ఓపెన్ హిస్టెరెక్టోమీలు మరియు సాంప్రదాయ లాపరోస్కోపిక్ సర్జరీలు రెండింటిలో తగ్గుదలని నివేదించాయి.
రోబోటిక్ సర్జరీ స్త్రీల శస్త్ర చికిత్సలో పూర్తిగా విప్లవాత్మకమైన మార్పు తెచ్చిందని చెప్పడం తప్పు కాదు. ఓపెన్ సర్జరీ వంటి వాటిలో సహజమైన చేతి, మణికట్టు కదలికలను సునాయాసంగా అనుకరించే ఎండోవ్రిస్ట్ సాధనాల వంటి సాంకేతిక పురోగతులు సర్జన్కు సమర్థతా ప్రయోజనాన్ని అందించడమే కాకుండా, త్రీ డైమెన్షనల్ వీక్షణ మరియు ఎండోరిస్ట్ ఇన్స్ట్రుమెంటేషన్ కారణంగా శస్త్రచికిత్స యొక్క పెరిగిన ఖచ్చితత్వం, సంక్లిష్టతలను మరియు మొత్తం శస్త్రచికిత్స సమయాన్ని తగ్గిస్తుంది.
సర్జన్ల నైపుణ్యం, ఆపరేటింగ్ గది సామర్థ్యం మరియు శస్త్రచికిత్స ఫలితాలు అన్నీ ఖచ్చితంగా రోబోటిక్స్ ద్వారా సానుకూలంగా ప్రభావితమయ్యాయి.
రోబోటిక్ టెక్నాలజీని ఉపయోగించి చేసే కొన్ని గైనకాలజీ శస్త్రచికిత్సలు:
- హిస్టెరెక్టమీ, గర్భాశయాన్ని తొలగించే శస్త్ర ప్రక్రియ. ఒక స్త్రీ ఈ క్రింది వాటితో సహా వివిధ కారణాల వల్ల గర్భాశయ శస్త్ర ప్రక్రియను చేయించుకోవచ్చు:
o నొప్పి, రక్తస్రావం లేదా ఇతర సమస్యలకు కారణమయ్యే గర్భాశయ ఫైబ్రాయిడ్లు
o గర్భాశయం దాని సాధారణ స్థానం నుండి యోని మార్గంలోనికి జారే గర్భాశయ భ్రంశం,
o ఎండోమెట్రియోసిస్
o అసాధారణ యోని రక్తస్రావం
o దీర్ఘకాలిక కటి నొప్పి
o అడెనోమైయోసిస్ , లేదా గర్భాశయం మందంగా తయారవ్వడం
- మైయోమెక్టమీ, గర్భాశయ ఫైబ్రాయిడ్లను తొలగించే శస్త్రచికిత్సా ప్రక్రియ. మైయోమెక్టమీ సమయంలో సర్జన్ లక్ష్యం ఫైబ్రాయిడ్లను మాత్రమే బయటకు తీసి గర్భాశయాన్ని పునర్నిర్మించడం. గర్భాశయం మొత్తం తొలగించే హిస్టెరెక్టమీ వలె కాకుండా, మైయోమెక్టమీ కేవలం ఫైబ్రాయిడ్లను మాత్రమే తొలగించి గర్భాశయాన్ని అలాగే ఉంచుతుంది.
- సాక్రోకోల్పోపెక్సీ అనేది పెల్విక్ ప్రోలాప్స్ను సరిచేయడానికి చేసే శస్త్రచికిత్స , ఇది గర్భాశయం, యోని, గర్భాశయం, మూత్రాశయం, మూత్రనాళం లేదా పురీషనాళం వంటి కటి(పెల్విస్) అవయవాలకు ఆధరంగా ఉండే కండరాలు మరియు స్నాయువులు బలహీనపడి, ఈ అవయవాలు వాటి సాధారణ స్థితి నుండి జారిపోయే స్థితి ఏర్పడినప్పుడు ఈ పరిస్థితి ఏర్పడుతుంది.
- రాడికల్ హిస్టెరెక్టమీ, సర్విక్స్ లేదా ఎండోమెట్రియంలోని క్యాన్సర్ కోసం, సర్జన్ మొత్తం గర్భాశయం, గర్భాశయం వైపులా ఉన్న కణజాలం, గర్భాశయం మరియు యోని పైభాగాన్ని తొలగిస్తారు.
- సంక్లిష్ట ఎండోమెట్రియోసిస్ శస్త్రచికిత్స, ఎండోమెట్రియోసిస్ అనేది గర్భాశయం పొరను ఏర్పరిచే కణజాలం గర్భాశయ కుహరం వెలుపల పెరిగే ఒక రుగ్మత.
· ట్యూబల్ అనస్టోమోసిస్, స్త్రీకి ట్యూబల్ లిగేషన్ అయిన తర్వాత సంతానోత్పత్తిని పునరుద్ధరించే ప్రక్రియ – గర్భధారణను నిరోధించడానికి ఫాలోపియన్ నాళాలను కత్తిరించే లేదా అవరోధించే ప్రక్రియ.